Цэцэгс дахин дэлгэрэхгүй гэж
Цэн шувуудыг ирэхгүй гэж
Одоо нэгэнт оройтсон гээд
Бороо чи орохоо болио юу.
Бүгд чамайг
Ярихаа дурсахаа больж
Харин би чамайг
Асгартал нь оруулмаар байна.
Хурмаст тэнгэрээс нь гуйя
Хувилгаад, лусаас нь бас гуйя
Хурын усаа хайрлаач
Хувцас хунар минь
Бие сэтгэл бүхэн минь
Хумхийн тоосонд дарууллаа
Бүхэл бүтнээрээ дарагдлаа.
Асгаран орж намайг угаагаач
Чамтай хамт урсмаар байна
Юуч үгүй болтлоо урсгамаар байна
Бороо чи орооч...
...

Галуун дууг
Газар сонсоход
Өвсний үндэс хөөнө .
Гадаа гарч ижий минь
Гараараа униар сөхөж
Намайг харуулдана .
Хагацал учрал зөрж салхилсан
Харгуйн магнайг нүдээрээ аргадна .
Айсан дэлэн шиг ягаан зам
Бараа хайрлахгүй зовооно .
Алсын цэнхэр уулсын
Хэнэггүйд гомдон гэртээ эгнэ .
Урам нь мухсан ижий минь сэтгэл чангалан
Уураг ханхалсан цайгаа үйнэ .
Энэ цайг зөөхийдөхөөс өрсөж
Ирнэ ! гэж битүүхэн зөгнөнө .
Алмайрч зогсох тэрхэн хооронд
Араар минь ороод ирээгүй байгаа гэж
Гэнэн сэтгэл сэрхийж
Гэр дотроо намайг эрнэ .
Ангир дуугарахад
Нуур амарлаа гэж баярлана
Агь нүдлэхэд
Тал амарлаа гэж баярлана
Хаврын овилгогүй салхин...

Чамайг би танихгүй ээ
Танилын минь хүрээнд чи байхгүй
Хэн бүхний үзэглэх бяцхан талбарт оршиж
Хэнэггүйхнээр сэтгэлд минь юу тарина вэ
Чиний тухай би мэдэхгүй
Чиний царай зүс дуу хоолой
Чиний зан чанарыг ч мэдэхгүй
Чамайг би танихгүй ээ
Сул ганхах сэтгэлд минь
Зулын гэрэл нэмэрлэж
Сугсарч хэлхэх бодолд минь
Баяслын оч харвуулсан
Төсөөллөөс цаашгүй бүсгүй чамайг
Хэн над руу илгээв ээ
Хаанаас гараад ирэв чи
Би чамайг танихыг хүснэ...




...

Хүү төрлөө гэхэд нь би хэзээч баярлаж үзээгүйгээрээ баярлаж билээ. Удам залгах хүүтэй болно гэдэг хүн бүрийн л бахархал байдаг байх. Төрснийх нь дараа харахад жижигхэн улаан юм муухай харагдаж байсан ч өдөр өдрөөр өсч нэг л мэдэхэд хэлд ороод шулганаад гүйж явна. Миний хүү анх Ааваа гэж их тод хэлж билээ. Анхных нь үг...одоо бол янз бүрийн л юм хэлдэг болсон. 2 нас дөнгөж өнгөрөөд байхад нь мөөмнөөс нь гаргаж, хөдөө эгчийндээ хэд хоног байлгаад авчирсан чинь Ээ бурхан минь  ямар муухай болсон байсан гээч. хараад л өөрийн эрхгүй нулимс урсаад байсан. Ямар их саад хориг, хувиа хичээсэн аминчхан ...

Утсан дээгүүр алхах мэт
Ухаант гэх хүмүүний амьдралаа
Утаа тортогноос өөр юу ч үнэртэхгүйн цагт
Ухаан бодлоос минь өөр нөхөр үгүй болох юм
Жаргалтай өдрүүдээ юунд чи харамлана вэ
Жихүүн салхи чинь надад хэрэггүй.
Зүүний үзүүр дээр тогтож
Хүн төрхийг олохдоо
Чамайг ийм гашуун байдаг гэж
Хэн ч хэлсэнгүй би төсөөлсөнгүй
Аз жаргал нь тийм ховорхон байдаг болохоор л
Бүгд тэрнийг хүсдэг байх нь..


...

Сарны гэрэл мөнгөн даруулган дээр чинь унасан намрын шөнө
Санчигны чинь үзүүрийг имрэн байж бидэн хоёр хүрэлцсэн
Сайхан чиний минь анхил үнэрийг энхрийлэн түгээсэн зөөлөн салхи
Санаа бодлыг минь хэлхэж зүрхий гүнд чамайг нуусан
Хайр болж цэцэглээгүй ч харуусалд дарагдаагүй бид хоёрын учрал
Хол аясын нугачаанд хагдарч гундаагүй бодлын зурсхан дурсамж
          Зүснээс цаашгүй чи тэгэж надад танигдсан
          Зөрөхөөс цаашгүй би тэгэж чамд бүдэрсэн


...

Гэл хархан үсэнд чинь сувд адил шигдэж
Гүйгүүл хонгор садхинд илбүүлж нэг үзэхсэн
Гоо сайхан биед чинь сүүдэр болон дагаж
Гүймэл сулхан  харцийг булааж нэг үзэхсэн
Гал улаахан зүрхэнд чинь хайр болон бадамлаж
Ганцхан түүнийгээ хараад баясан догдлохыг мэдрэхсэн
Гоёхон булбарай гаранд чинь бэлзэг болон хоргодож
Ган итгэлийн илрэл болж бусдын зүрхийг атаархуулахсан
     Ай алдрайхан миний
     Далдхан хүсэл минь

...

Гүн цэнхэр усандаа дураар цэнгэн цэлгүүцэх загас чи юутай жаргалантай харагднам бэ. Бусдын аманд оролгүй явах, хоолоо олж идэх гэдгээс өөр юу чамайг зовоох билээ.Хүмүүс бидэн шиг нэг нэгнээ муулж, бас доромжилж харааж зүхэхгүй, над шиг бусад чам шигт нь атаархахгүй, нэгэндээ өөрөө ч мэдэлгүй муу үг хэлж зүрхийг нь урахгүй, гомдоохгүй, бас мангар мангар юм ярьж тэнэгтэхгүй, элдэв юм бодож толгойгоо гашилгахгүй, маргааш нөгөөдөртөө санаа нь зовж баахан юм болж байгаад эцэс сүүлд нь юу ч болоогүй юм шиг нам унтахгүй, за тэгээд цааш нь гэвэл учир нь олдохгүй олон хууль дүрэм зохиочихоод түүнийгэ...

Санааны үзүүрт бүрэлзэх унаган нутгаа орхиод
Санчиганд нь сор унасан ижий ааваа үлдээгээд
Айлсан тоглож өссөн багын чамайгаа мартагнаад
Алс газар ирснээ бурхны зурлага гэлтэй
Тэнгэр газрыг холбож чамтайгаа анх учрахад
Тэртээх уулын оройд үдшийн одод гялалзаж
Дээрээс мэлтийх саран шохоорхонгуй талимаарч
Дэргэдэх модны мөчирт нахиа соёолж байсан
Бодол оюунаа тэгшилж үг хэлээ цэгцэлж
Болж буй бүхэнтэй итгэж ядан эвлэрч
Туулах амьдралд минь түшиг болооч гэж
Түмэн хүслийн илрэл үгээ чамдаа хэлсэн
Зүрх сэтгэлийг минь хайрын балаар бялууруулж
Зүйрлэшгүй нандин хайрыг наддаа л ганцхан өгсөн
Зөв буруу нь сүлэлдсэн х...

Өдрийн наран ханын толгойд унаж
Илч энерги нь зулайд минь мэдрэгдэнэ
Уулсын бэлээр цас ханзарч
Урин цаг нааш зүглэснийг илчилнэ
Салхи сэвэлзэж гэзгийг чинь намируулаад
Сайхан чиний үзэсгэлэнг нэмнэ
Сэтгэл гэгэлзэж бодол хөглөрөөд
Санаандгүй чамайгаа би урлана
Чиний минь дөлгөөхөн дүр адил
Инээмсэглэн хавар ирж байна хань минь
Чиний минь ялдамхан ааль шиг
Ичингүйрэн хавар ирж байна хайрт минь
Чи бидний анхны учралыг сануулахаар
Бурхан явуулсан юм шиг хавар ирж байна
Чи бидэн шиг түмэн залуусыг учруулахаар
Яаран яарсаар хавар ирж байна
.




...